Центарот за развој на Источен плански регион ги започна градежните активностите за конзервација на црквата „Св. Власие“ на археолошкиот локалитет Исар во Штип во рамките на проектот: „Културен мост низ вековите“.
Проектот „Културен мост низ вековите“ се кофинансира од ИНТЕРРЕГ ИПА Програма за прекугранична соработка Република Бугарија – Република Северна Македонија. 2014-2020, со дополнително национално кофинансирање обезбедено од Министерството за локална самоуправа.
Конзервацијата и реставрацијата на црквата „Св. Власие“ ги изведува економскиот оператор БВ Инженеринг ДОО Битола, а вредноста на градежните работи е во износ од околу 89.300 евра.
Реставрацијата и конзервацијата на црквата „Св. Власие“ ќе се работи од камен и опус од кои во првата фаза ќе се реставрираат ѕидовите на црквата максимум од 1,5 м од нивото на теренот, во втората фаза ќе се изгради пристапна патека кон црквата во должина од 146 метри, додека во третата фаза ќе се осветлат црквата и патеката со канделабри и ќе бидат поставени и соодветни патокази.
Изведувачот БВ Инженеринг ДОО Битола реставрацијата и конзервацијата на црквата „Св. Власие“ се очекува да ja заврши за 14 месеци.
